Proiektua, José María Martínez de las Rivas plazan, estalitako eremu bat sortzeko garatzen da, hiri espazio hau osatzen duten gainerako aisialdirako guneak osatuz. Estalitako espazio berriak lehendik dagoen jolastokia eta ondoko kantxaren azalera hartzen ditu barne, non futbol eta saskibaloirako pista multikirol berri baten instalazioa aurreikusten den. Estalkiaren azalera totala 380m2 ingurukoa da, hiru elementutan banatuta.

Pieza berria, txertatuta dagoen ingurunean erantzun harmonikoa, ez inbaditzailea eta neurtua ematen saiatzen da. Horretarako, gardentasuna, arintasuna edo eskala bezalako alderdiak lantzen dira. Zentzu honetan, estali beharreko eremua -plazaren barneko gune nabarmen batean- bere azaleraren hedapenarekin batera, komenigarria ikusi da estalkia, hainbat bolumenetan banatzea. Bestalde, pabiloiaren iruditik ihes egin nahi du, izango duen erabilera ludikoarekin bat datorren erantzuna eskainiz.