Proiektua, baserritarren postuen egoera hobetzeko beharretik sortzen da. Modu honetan, interbentzioaren helburu nagusia erosotasuna eta espazioren optimizazioa izanik, arreta berezi jarri zaio salmenta puntu hauen inguruko baldintza termiko eta argiztapenari.

Bestalde, merkatuari irudi berria ematen zaio, ikusgarriagoa eta erakargarriagoa bihurtuz. Ildo horretatik, Zarauzko Udal Merkatuaren barne erreforma, Baserritarren postuak berritzeaz haratago doa, zirkulazio espazioetara, kanpoko sarreretara eta barruko akabera multzoetara ere iritsiz. Hori guztia, Zarauzko merkatua eguneratzeko, bizirik mantentzeko eta sustatzeko helburuarekin.

Kolore eta materialen paletari dagokionez, hauek, salmentan dauden produktuak nabarmentzeko hartu dira: zeramikazko zorua -merkaturako espresuki diseinatua-, egurrezko panel argiak estaldura bertikaletarako eta altzairu herdoilgaitza eta granito beltza lan-guneetarako.