Proiektua Loiuko udal-plaza eraberritzeko beharretik sortu da; izan ere, erabilera dela eta kaltetzen joan da, plaza eta haren inguruko espazioak estetika berriago baten arabera egokitu behar direla adieraziz.

Eraberritze proposamenaren helburua da plaza erdigunetzat hartzea, bai Loiuko bizilagunen eguneroko bizitzaren, bai udalerrian egiten diren ekitaldi eta festen erreferentzia gisa.

Proiektuak hiru ildo nagusi ditu: Udala elementu nagusi duen espazio argi eta ezagun bat eratzea. Plazaren erabilera-baldintzak biderkatzea, atseden-espazio gehiago jarriz, erdiko espazio irekia inguratzen duten jesarleku eta harmailekin hornituz. Azkenik, Zabaloetxe etorbiderantz eta Santa Lucia kalerantz iristeko baldintzak eta irisgarritasuna hobetzea.

Materialtasun berriari dagokionez, agragakin granitikozko zoladura aukeratu da banku eta harmailetako elondo zurak ematen duen berotasunarekin konbinatua. Era berean, instalazioak leuntzen dira altuera ertaineko ingurumen argiztapenaren bidez, autogarbiketa komun berri bat gehitzen da, eta berdegunearen birlanketa egingo da.