Partzela Zorrotzaurre uhartearen iparraldean dago, San Inazio zubitik eta Zorrotza lurmuturrarekin lotuko duen etorkizuneko zubitik gertu. Uhartearen erdiko ardatzean ainguratuta dago, Av. De las Galleteras etorbidean.

Eraikinaren kokapenak, Konsoni Lantegiarekin duen harremanean, espazio publiko eskuzabala sortzen du, eta bertara irekitzen dira atariak eta galeriak. Garaje-arrapalaren posizioak libre uzten du Av. de las Galleteras izkina udal-lokalerako. Lokal hori bi solairutan garatzen da, “arrakala” baten bidez espazio publikorantz irekitzen da, aldi berean,  lokalari eta aparkalekuaren lehen solairuari argi naturala ematen.

Proposamenak argi eta garbi bereizitako bi fatxada ditu: alde batetik, etxebizitzetara sartzeko galeria osatzen duena, eta, bestetik, unitate bizidunetara ematen duena, non egongelak eta terrazak agertzen diren.

Etxebizitza-blokea, “galeriako” konfigurazioari esker, atari edo komunikazio bertikaleko nukleo bakar batekin burutzen da, eta, horren ondorioz, etxebizitza igarokorren tipologia sortzen da. Horien artean, etxebizitza-tipologia desberdinak bereizten dira (1, 2, 3 logelako etxebizitza arrunt eta egokituak).

Etxebizitza guztiak kanpoaldera ematen dute eta iparraldetik hegoalderako orientazio bikoitza dute, aireztapen gurutzatua ahalbidetzen duena. Guztietan, gutxienez logela bat eta egongela hegoaldera ematen dute. Azkenik, etxebizitza guztiek dute diseinu bioklimatikoko estrategiak barne hartzen dituen terraza bat, hala nola eguteran duten konfigurazioa negu-uda eguzki-erradiazio zuzena kontrolatzeko, eta itxitura bikoitz erabilgarri bat, neguko terraza gisa erabili ahal izateko.